A continuación, deíxolles novas propostas para esta semana para os nen@s, tratando de ter en conta as circunstancias especias deste período... polo que se tratará de ter sempre a máxima comprensión con todas as situacións.
Estas son diferentes propostas entre as que podedes escoller unha e levala á práctica. Podedes enviarme vídeos ou fotografías aos enderezos electrónicos que tedes á vosa disposición. Estarei encantado de recibir os vosos traballos.
3º DE EDUCACIÓN PRIMARIA
1. Reto: Propón o teu reto!!
Unha nova dimensión dos retos. Propón o teu reto!!! Esta actividade consiste en que propoñades un reto coma os que fixemos ao longo destas semanas, pero neste caso a proposta é vosa, polo que tedes total liberdade para deseñar e enviar o voso reto. Estou seguro que sairán retos increíbles!!!
2. Reto: Somos de goma
Reto individual no que se necesita axuda dunha persoa adulta. Neste caso consiste en que o nen@ a través do seu corpo e coa axuda de outros obxectos que teñades nos vosos fogares ou mesmo de outra persoa, faga as letras do seu nome unha por unha. O reto consiste en sacar diferentes fotos a cada “letra” e logo ver como queda o nome do nen@ feito co seu corpo e a axuda de algún obxecto ou persoa. Animádevos con este divertido reto!! Traballo da expresión corporal, da coordinación, dos xiros, entre outros.
A continuación deíxovos un vídeo a modo de exemplo:
3. Reto: Torre de Pisa
O seguinte reto consiste en facer unha torre con rollos de papel hixiénico en vertical sen que vos caia. Seredes capaces de aguantar?jejej Cal é o maior número de rollos co que o conseguides? Veña ese equilibrio!!jeje Traballo de equilibrio dinámico con obxectos, coodinación, axilidade e autoconfianza.
Deíxovos un vídeo a modo de exemplo dun compañeiro de EF, David:
4. Reto: Emoji Challenge
Vamos poñer a proba a vosa coordinación! Propóñovos este reto viral de internet. O reto consiste facer coas vosas mans os emojis que se indican na pantalla. A continuación dous vídeos. Un cos emojis que vos indican os xestos que tedes que facer coa vosa man e o outro cun exemplo dunha persoa que o fai. Superades o reto?jejej Traballo da coordinación óculo – manual, do autocontrol e da confianza.
Aquí o enlace dos dous vídeos para que vexades en que consiste:
5. Reto: Antes de que caia!
Propóñovos este reto para o que necesitades un rollo de papel hixiénico. Tedes que levantar as mans en alto mentres aguantades do rollo, logo deixalo caer por detrás das costas (sen que toque nestas), e antes de que caia ao chan debedes flexionar os xeonllos e coller o rollo metendo as mans polo medio das dúas pernas. Non é facil!!jejej Vamos e moito ánimo!! Traballo da coordinación óculo – manual, da flexibilidade e do autocontrol.
Aquí o enlace dun vídeo para que vexades rápidamente en que consiste:
6. Reto: Actividade física ao aire libre!!
Unha nova dimensión dos retos. Neste caso, consiste en que salgades coa vosa familia dentro do horario no que está permitido e fagades calquera actividade física. Envía a túa foto ou vídeo calquera deporte ou actividade física fóra da túa casa… como por exemplo pasear, patinar, montar en bici, saltar, ou calquera deporte ou actividade que fagades.
Agardo que vos poidan ser de utilidade estes recursos. Poden comunicarse comigo a través deste blog, o espazo abalar ou dos enderezos electrónicos:
albertovf@edu.xunta.gal e albertovfeducacionfisica@gmail.com
Poden mandarme as tarefas, sacar fotos das actividades ou mesmo gravar os resultados e enviarmos.
Grazas pola súa colaboración e saúdos!
Alberto
Comments